L'amara vicenna di lu stritcontrol

U sbagghiu fu fattu all'origini: quannu lu Cumandanti Mulinu s'affittau u stritcontrol, non pinsau ca Jaci non è Città normali ma è na maravigghia.

U stritcontrol ca s'affittau è pi unni c'è menza civiltà, no pi lu regnu dei Mau Mau ca testa di trunzu.

Beddi valenti i vigili ca avevunu di fari lu sirviziu parteru comu li Cruciati pi la Terrasanta, cu l'intenzioni di fare piazza pulita di l'automobilisti scavaddati Jacitani.
Nenti sapennu soccu ci avissi succidutu.
Calati versu Jaci, araggiunavunu di unni principiari e pi dirla alla marinara si ni jeru a mari granni: misiru manu da Via Salvatore Vigo ( pi vicchiareddi "a strada nova").
Appena arrivati a San Micheli, si calaru a visera e mungiutu u tasto "on", parteru verso la battaglia.
Svutannu l'angolo di dda strada longa e ritta, u stritcontrol fici un nitritu comu Furia Cavallo del West quannu si c'arizzava u pilu, subitu dopu cumniciau a macinari contravvenzioni a una ogni tri metri, pareva 'n flipper anticu quannu pigghiava u special, chiu avanti si jeva e chiu assai u stritcontrol ammugghiava punti.
A metà di Via Salvatore Vigo gia erunu arrivati a 400 contravinzioni, i vigili erunu troppu priati e pinsavunu ca cu ddi nummara ca stavunu facennu, l'Assissuri Di Prima minimu minimu si l'avissi purtatu a mangiari pisci a Trizza.

Però continuannu a scinniri, u strittcontrol arrivatu a quota 1012 cuminciau a fari u stissu sgrusciu di quannu si fa u pop corn. I Vigili si cuminciaru a preoccupari, ma ndo mentri svutaru a Stazioni Vecchia e ddoci frati miu do pop corn si passau a pentola a pressione quannu frisca, mancu n'autri vinti metri e u friscu paeva chiddu do trenu ca saluta a Sammastianu: u postu era giustu, u misi e u jornu erunu sbagghiati.

Arrivatu o Carminu si sinteva fetu di caliatu e a friscata ca non era chiu friscata, pareva na schigghia di liotru incazzatu niuru.
A Via Galatea pareva ca a cosa si stava abbissanu, a Via Roma tranquilla, u corsu Umbertu qualchi contravinzioni, ma na cucciata.
La fissaria fu ca, inveci d'aricugghirisi ritti ritti o Cumannu, svutaru a Via Fabio.
In Corso Sicilia cuminciau n'autra vota u friscu, si puteva suppurtri, ma appena svutaru nda dda Piazza Europa, Matri di Diu, lu fetu di plastica abbruciata e colpi di muschittaria ca non si ponu capiri.
Di cursa svutaru verso via Oreste Scionti e ddocu successi la valli, fumu, vampi, scattioli, colpi a cannuni pa festa, cascia infernali e girandole per poi culminare con una grande esplosione.
Illesi i vigili, un poco anniricati e soprattutto scantati.
Accussì v'imparate a noleggiare, pi sgavitari, u modello "Copenaghen"; no sapiti ca pi Jacitani non ci abbasta mancu u modello "Calcutta"?

Si ringrazia Acireale Social per l'immagine, ma tantu ci su 'nsignati: tutti ni iddi piscunu pi nutizi frischi e informazioni sicure.

Au, stamu buffuniannu.

santodimauro

dottorziz

cosedijaci

Il traffico di Addis Abeba...