Co pani bonu e 'n cocciu d'alivu si pò salvari u munnu.

Cu 'n cocciu d'alivu si pò salvari u munnu.

Lu presidenti d'America, chiddu biunnu
assemi a ddu coreano ca testa munnata
jucannu e babbiannu occa mala matinata
fanu satari 'nda l'aria tri parti di munnu.

O postu di fari minazzi a tutti
cu paroli di ferru, focu e cannunati,
assittativi a mangiari e ni parati
ca a tavulinu si anu boni frutti

Pani c'alivi e vinu nustranu
na discuruta comu amici fidati
e poi li nozzuli pigghiati e li sputati
vinci cu spara l'ossu chiu luntanu.

Non ci volunu grandi cosi in virità
ca semplicità e la bona parola
comu vecchi cumpagni di scola
cu n'alivu si po salvari l'umanità.

Santo Di Mauro