La buona notte

Di sta vita u sapiti chi ni purtamu?
Lu bonu ricordu ca nuatri lassamu.
Ora è ura do riposu e do rizzettu,
o curcamuni sereni nda lu lettu:
na Salve Regina a la Gran Signura
e aribuccamuni la cupirtura...
Buona notte.
(dottorziz)

La livantata

Lu ventu di livanti ca suscia da lu mari
porta lu malutempu e lu cori fa scurari,
lu mari si 'nfrusca, si rivota e vugghi
lu marinaru accortu a lu scaru s'aricoggghi;
stenni li falanchi, ammutta la varca sò
pirchi lu forti mari cumbattiri non si pò,
e s'alloungunu l'unni, lu mari scurisci,
chinu di palummeddi e a lu funnu vanu i pisci,
e cu la so gran forza iddu si lassa iri
ti pari ca lu munnu fussi prontu finiri
li marusi putenti li coculi svutannu
pari ca lu ciatu su stanu tirannu,
si porta soccu attrova, stocca, rumpi e spacca
li unni sunu 'ncurti, non fanu chiù risacca....
e ju 'ntimurutu, vidennu sti gran spaventi
l'avia ca natura chi duna sti turmenti,
nu marinaru, mi dissi: figghiu si sbagghiatu.
chiddu ca fa la natura è tuttu ragiunatu,
si non ci fussi tuttu stu gran muvimentu,
ca dura un jornu o n'ura stu  spaventu,
lu funnu di lu mari fussi paru paru
lordu e fitusu comu nu munnizzaru:
li corpi di lu mari, svotunu e scugnunu,
li fezzi e li fracidumi tutti annettunu;
dopu di stu subissu, la vita appoi rinasci,
l'erba frisca e nova ndo funnu torna a crisci,
sulu accussì a la riba lu pisci po turnari,
accussì lu pani pa famigghia mi pozzu vuscari...
ma allura pirchì l'amuri ca avi u stissu effettu
di na livantata forti, di chidda senza rizzettu,
addopu ca finisci non ti lassa arriccutu,
ma resti comu un fissa, babbu e sturdutu.
L'amuri non è da natura, ma è cunvinzioni,
è la nostra testa, capitila à lezioni.
(dottorziz)