(dedicata alla mia cara amica e musa Anna Tringali)
Lu nannu di me nannu
era vecchiu e sdilliriava,
na sula cosa, unica,
nda pazzia rispettava:
lu pani di li poviri
pi iddu sacru era,
non si ittava na muddica
e si cuggheva di 'n terra,
si vasa e si sarba,
pirchì non si pò sapiri,
ca si dumani agghiorna
la fami po' viniri.
Oggi semu 'mbriachi
di sta fausa ricchizza,
si ni resta o si fa duru
di cursa nda munnizza,
non si rispetta nenti
lu munnu è cangiatu
semu genti moderna,
mangiamu pani scurdatu...
(dottorziz)
(dottorziz)
nella foto Raffaele Ardita